022 surah
ھي سورة مَدَنِیَّۃٌ آھي . ھِن ۾ 78 آيتون ۽ 10 رڪوع آھن
قرآن مجيد
مُترجم: عبدالمؤمن ميمڻ
يٰٓاَيُّهَا النَّاسُ اتَّقُوْا رَبَّكُمْ ۚ اِنَّ زَلْزَلَةَ السَّاعَةِ شَيْءٌ عَظِيْمٌ 1
لوڪو! پنهنجي پالڻهار جي عذاب کان ڊڄو، يقين ڪريو! قيامت جو زلزلو وڏي شيءِ آهي.
— عبدالمؤمن ميمڻيَوْمَ تَرَوْنَهَا تَذْهَلُ كُلُّ مُرْضِعَةٍ عَمَّآ اَرْضَعَتْ وَتَضَعُ كُلُّ ذَاتِ حَمْلٍ حَمْلَهَا وَتَرَى النَّاسَ سُكٰرٰي وَمَا هُمْ بِسُكٰرٰي وَلٰكِنَّ عَذَابَ اللّٰهِ شَدِيْدٌ 2
جنهن ڏينهن اها گهڙي توهان جي سامهون ايندي ته توهان ڏسندؤ، ان ڏينهن (ڪوئي به هوش ۾ نه هوندو) ٿڃ پياريندڙ مائرون پنهنجا ٿڃ پياڪ ٻچا وساري ويهنديون، ڳورهاريون عورتون (وقت کان اڳ) پنهنجا حمل ڪيرائي ويهنديون. ماڻهن کي تون ان حال ۾ ڏسندين (جهڙوڪر) نشي ۾ ڌُت آهن. حالانڪه اهي نشي ۾ ڌُت نه هوندا، پر الله جي عذاب جي دهشت تمام سخت آهي (جنهن ماڻهن کي نشئي ماڻهن جيان بي هوش ڪري ڇڏيو هوندو).
— عبدالمؤمن ميمڻوَمِنَ النَّاسِ مَنْ يُّجَادِلُ فِي اللّٰهِ بِغَيْرِ عِلْمٍ وَّيَتَّبِـعُ كُلَّ شَيْطٰنٍ مَّرِيْدٍ 3ۙ
۽ ڪي ماڻهو اهڙا آهن جيڪي الله بابت الجهن ٿا ۽ وٽن ڪو علم به ڪونهي. اهي تڙيل شيطان جي ڪڍ لڳن ٿا.
— عبدالمؤمن ميمڻكُتِبَ عَلَيْهِ اَنَّهٗ مَنْ تَوَلَّاهُ فَاَنَّهٗ يُضِلُّهٗ وَيَهْدِيْهِ اِلٰى عَذَابِ السَّعِيْرِ 4
شيطان جي لاءِ اها ڳالهه لکجي چڪي آهي ته جيڪو ان جو ساٿي ٿيو، هو ضرور کيس گمراهه ڪندو ۽ کيس جهنم جي عذاب تائين پهچائيندو.
— عبدالمؤمن ميمڻيٰٓاَيُّهَا النَّاسُ اِنْ كُنْتُمْ فِيْ رَيْبٍ مِّنَ الْبَعْثِ فَاِنَّا خَلَقْنٰكُمْ مِّنْ تُرَابٍ ثُـمَّ مِنْ نُّطْفَةٍ ثُـمَّ مِنْ عَلَقَةٍ ثُـمَّ مِنْ مُّضْغَةٍ مُّخَلَّقَةٍ وَّغَيْرِ مُخَلَّقَةٍ لِّنُبَيِّنَ لَكُمْ ۭ وَنُقِرُّ فِي الْاَرْحَامِ مَا نَشَاۗءُ اِلٰٓى اَجَلٍ مُّسَمًّى ثُـمَّ نُخْرِجُكُمْ طِفْلًا ثُـمَّ لِتَبْلُغُوْٓا اَشُدَّكُمْ ۚ وَمِنْكُمْ مَّنْ يُّتَوَفّٰى وَمِنْكُمْ مَّنْ يُّرَدُّ اِلٰٓى اَرْذَلِ الْعُمُرِ لِكَيْلَا يَعْلَمَ مِنْۢ بَعْدِ عِلْمٍ شَيْــــًٔا ۭ وَتَرَى الْاَرْضَ هَامِدَةً فَاِذَآ اَنْزَلْنَا عَلَيْهَا الْمَاۗءَ اهْتَزَّتْ وَرَبَتْ وَاَنْۢبَتَتْ مِنْ كُلِّ زَوْجٍۢ بَهِيْجٍ 5
لوڪو! جيڪڏهن توهان کي ان بابت ڪو شڪ آهي ته ماڻهو (ٻيهر) جيئرو ٿي اٿندو ته (ان ڳالهه تي غور ڪريو ته) اسان توهان کي (ڪهڙي شيءِ مان) پيدا ڪيو؟ توهان کي مٽيءَ مان پيدا ڪيوسون! پوءِ (توهان جي پيدائش جو سلسلو ڪيئن جاري ٿيو؟ اهو) هيئن (جاري ٿيو ته ماڻهو) ته پهريون نطفو هوندو آهي، پوءِ “رت جو دِڳُ” ٺهندو آهي پوءِ پورو بڻايل ۽ اڻ پورو ماس جو هڪ لوٿڙو (بڻبو آهي) ۽ (تخليق جو اهو عمل) ان لاءِ هوندو آهي ته توهان تي (پنهنجي قدرت) واضح ڪريون. وري ڏسو! جنهن نطفي بابت اسين چاهيندا آهيون (ته ان کي تڪميل تائين پهچايون ته) ان کي عورت جي گرڀ (ڳهڻ) ۾ هڪ مقرر وقت تائين رکندا آهيون. وري (جڏهن، نطفو تڪميل جا سمورا اندروني مرحلا طئه ڪري وٺندو آهي ته) ٻارڙي جي صورت ۾ توهان کي ٻاهر ڪڍندا آهيون. پوءِ توهان (تي هڪ ٻئي پويان) اهڙيون حالتون طاري ڪندا آهيون جو (آخرڪار) پنهنجي جوڀن کي اچي رسندا آهيو. پوءِ توهان ۾ ڪو اهڙو هوندو آهي جيڪو (پوڙهپ کان اڳ ئي) مري ويندو آهي. ڪو اهڙو هوندو آهي جيڪو (پوڙهپ تائين پهچي ويندو آهي ۽ ان ريت) عمر جي (جهور پوڙهائي جي) نڪمي حالت ڏانهن موٽايو ويندو آهي جو سمجهه رکڻ کانپوءِ بي سمجهيءَ جي حالت ۾ اچي ويندو آهي. ۽ توهين ڏسندا آهيو ته زمين سڪل هوندي آهي پوءِ جڏهن ان تي پاڻي وسائيندا آهيون ته ڏسندي ئي ڏسندي اُسرڻ ۽ ٻهڪڻ لڳندي آهي. هر قسم جي گؤنچن منجهان سونهن جو لُڀائيندڙ منظر نسري پوندو آهي.
— عبدالمؤمن ميمڻذٰلِكَ بِاَنَّ اللّٰهَ هُوَ الْـحَقُّ وَاَنَّهٗ يُـحْيِ الْمَوْتٰى وَاَنَّهٗ عَلٰي كُلِّ شَيْءٍ قَدِيْرٌ 6ۙ
اهو ان ڳالهه جو دليل آهي ته الله جي هستي، هڪ حقيقت آهي ۽ هو، بي شڪ ! مئلن کي زنده ڪندو آهي ۽ هو هر ڳالهه تي وس وارو آهي.
— عبدالمؤمن ميمڻوَّاَنَّ السَّاعَةَ اٰتِيَةٌ لَّا رَيْبَ فِيْهَا ۙ وَاَنَّ اللّٰهَ يَبْعَثُ مَنْ فِي الْقُبُوْرِ 7
۽ اهو پڻ ان ڳالهه جو به (دليل آهي) ته مقرر ڪيل گهڙي اچڻي ئي آهي. ان ۾ ڪوئي شڪ ڪونهي ۽ اهو ان ڳالهه جو به (دليل آهي) ته الله، ضرور انهن کي اٿاريندو جيڪي قبرن ۾ پوريل آهن.
— عبدالمؤمن ميمڻوَمِنَ النَّاسِ مَنْ يُّجَادِلُ فِي اللّٰهِ بِغَيْرِ عِلْمٍ وَّلَا هُدًى وَّلَا كِتٰبٍ مُّنِيْرٍ 8ۙ
۽ ڪي ماڻهو اهڙا آهن جيڪي الله جي ذات بابت جهڳڙو ڪندا آهن نه ڪي وٽن علم جي روشني آهي نه ڪي وٽن ڪنهن قسم جي ڪا رهنمائي آهي نه ڪي وٽن ڪو روشن ڪتاب ئي آهي!
— عبدالمؤمن ميمڻثَانِيَ عِطْفِهٖ لِيُضِلَّ عَنْ سَبِيْلِ اللّٰهِ ۭ لَهٗ فِي الدُّنْيَا خِزْيٌ وَّنُذِيْقُهٗ يَوْمَ الْقِيٰمَةِ عَذَابَ الْحَرِيْقِ 9
تڏهن به ٽڏجي الله بابت جهيڙو ڪن ٿا ته جيئن ماڻهن کي الله جي واٽ کان ڀٽڪائين اهڙي ماڻهوءَ جي لاءِ دنياوي زندگيءَ ۾ رسوائي آهي ۽ قيامت جي ڏينهن اسين ان کي باهه جي عذاب جو مزو چکائينداسين.
— عبدالمؤمن ميمڻذٰلِكَ بِـمَا قَدَّمَتْ يَدٰكَ وَاَنَّ اللّٰهَ لَيْسَ بِظَلَّامٍ لِّـلْعَبِيْدِ ۧ10
(کيس ٻڌائينداسون ته) اهو ان جو نتيجو اٿئي جيڪو خود تنهنجن هٿن، اڳواٽ ئي تيار ڪري ڇڏيو هيو ۽ الله ته پنهنجن بندن جي لاءِ ڪڏهن به ظالم نه ٿو ٿي سگهي!
— عبدالمؤمن ميمڻوَمِنَ النَّاسِ مَنْ يَّعْبُدُ اللّٰهَ عَلٰي حَرْفٍ ۚ فَاِنْ اَصَابَهٗ خَيْرُ ۨاطْـمَاَنَّ بِهٖ ۚ وَاِنْ اَصَابَتْهُ فِتْنَةُ ۨانْقَلَبَ عَلٰي وَجْهِهٖ ڗ خَسِرَ الدُّنْيَا وَالْاٰخِرَةَ ۭ ذٰلِكَ هُوَ الْخُسْرَانُ الْمُبِيْنُ 11
۽ ڪي ماڻهو اهڙا آهن جيڪي الله جي بندگي ته ڪن ٿا پر دل سان نه ٿا ڪن! جيڪڏهن کين ڪوئي فائدو ملي ٿو ته مطمئن ٿي وڃن ٿا جيڪڏهن ڪنهن امتحان ۾ پون ٿا ته ساڳن پيرن تي پنهنجي (ڪفر جي) حالت ڏانهن موٽي وڃن ٿا. اهي دنيا ۾ به نامراد ٿيا ۽ آخرت ۾ به! ۽ اهائي ڏٺي وائٺي نامرادي آهي.
— عبدالمؤمن ميمڻيَدْعُوْا مِنْ دُوْنِ اللّٰهِ مَا لَا يَضُرُّهٗ وَمَا لَا يَنْفَعُهٗ ۭ ذٰلِكَ هُوَ الضَّلٰلُ الْبَعِيْدُ ۚ12
اهي الله کانسواءِ انهن هٿرادو هستين کي (پنهنجين حاجتن جي لاءِ) پڪارين ٿا جيڪي هستيون نه ڪي کين نقصان پهچائي سگهن ٿيون نه ڪي وري ڪو فائدو. اها نهايت ئي گهري گمراهي آهي.
— عبدالمؤمن ميمڻيَدْعُوْا لَمَنْ ضَرُّهٗ ٓ اَقْرَبُ مِنْ نَّفْعِهٖ ۭ لَبِئْسَ الْمَوْلٰى وَلَبِئْسَ الْعَشِيْرُ 13
هو، اهڙي هستيءَ کي پڪارين ٿا جنهن مان نفعي کان وڌيڪ ان جو نقصان قريب تر آهي سو (اهڙو جڙتو معبود) ڪيڏو ته بڇڙو ڪارساز ٿيو ۽ ڪيڏو نه بڇڙو ساٿي ٿيو!
— عبدالمؤمن ميمڻاِنَّ اللّٰهَ يُدْخِلُ الَّذِيْنَ اٰمَنُوْا وَعَـمِلُوا الصّٰلِحٰتِ جَنّٰتٍ تَـجْرِيْ مِنْ تَـحْتِهَا الْاَنْهٰرُ ۭ اِنَّ اللّٰهَ يَفْعَلُ مَا يُرِيْدُ 14
جن ماڻهن ايمان آندو ۽ چڱا عمل به ڪيائون ته ضرور، الله کين اهڙن باغن ۾ پهچائيندو جن جي هيٺان نهرون وهي رهيون هونديون الله، جيڪو چاهيندو آهي سو ڪندو آهي. (هو مالڪ ۽ مختار آهي).
— عبدالمؤمن ميمڻمَنْ كَانَ يَظُنُّ اَنْ لَّنْ يَّنْصُرَهُ اللّٰهُ فِي الدُّنْيَا وَالْاٰخِرَةِ فَلْيَمْدُدْ بِسَبَبٍ اِلَى السَّمَاۗءِ ثُـمَّ لْيَقْطَعْ فَلْيَنْظُرْ هَلْ يُذْهِبَنَّ كَيْدُهٗ مَا يَغِيْظُ 15
جيڪو ماڻهو (مايوس ٿي) اهو سمجهي ويهندو آهي ته الله، دنيا ۽ آخرت ۾ ان جي مدد نه ڪندو ته (ان جي لاءِ زندگيءَ جي ڪابه واٽ باقي نه بچي) ان کي گهرجي ته هڪ رسي کڻي وڃي ڇت سان ٻڌي اچي ۽ (ان ۾ ڦاهو کاهي، زمين کان) ڪاٽا ٿي وڃي. پوءِ ڏسي ته اِن تدبير، سندس غم ۽ غصو ٽاريو يا نه؟
— عبدالمؤمن ميمڻوَكَذٰلِكَ اَنْزَلْنٰهُ اٰيٰتٍۢ بَيِّنٰتٍ ۙ وَّاَنَّ اللّٰهَ يَهْدِيْ مَنْ يُّرِيْدُ 16
۽ اهڙيءَ طرح اسان هي ڪلام روشن دليلن جي صورت ۾ لاٿو ۽ ان لاءِ لاٿوسين جو الله جنهن کي چاهيندو آهي (ڪاميابيءَ جي واٽ) سهائي ڇڏيندو آهي.
— عبدالمؤمن ميمڻاِنَّ الَّذِيْنَ اٰمَنُوْا وَالَّذِيْنَ هَادُوْا وَالصّٰبِــِٕــيْنَ وَالنَّصٰرٰي وَالْمَجُوْسَ وَالَّذِيْنَ اَشْرَكُـوْٓا ڰ اِنَّ اللّٰهَ يَفْصِلُ بَيْنَهُمْ يَوْمَ الْقِيٰمَةِ ۭ اِنَّ اللّٰهَ عَلٰي كُلِّ شَيْءٍ شَهِيْدٌ 17
جن ماڻهن ايمان آندو ۽ جيڪي يهودي آهن ۽ جيڪي صابي آهن ۽ جيڪي نصارى آهن ۽ جيڪي مجوسي آهن ۽ جيڪي مشرڪ آهن، قيامت ڏهاڙي انهن مڙني جي وچ ۾، الله فيصلو ڪندو (۽ انهن جي عملن جي حقيقت ظاهر ٿيندي). الله (کان ڪائي ڳالهه اوجهل ڪانهي، هو) سڀ ڪجهه ڏسي رهيو آهي.
— عبدالمؤمن ميمڻاَلَمْ تَرَ اَنَّ اللّٰهَ يَسْجُدُ لَهٗ مَنْ فِي السَّمٰوٰتِ وَمَنْ فِي الْاَرْضِ وَالشَّمْسُ وَالْقَمَرُ وَالنُّجُوْمُ وَالْجِبَالُ وَالشَّجَرُ وَالدَّوَاۗبُّ وَكَثِيْرٌ مِّنَ النَّاسِ ۭ وَكَثِيْرٌ حَقَّ عَلَيْهِ الْعَذَابُ ۭ وَمَنْ يُّهِنِ اللّٰهُ فَـمَا لَهٗ مِنْ مُّكْرِمٍ ۭ اِنَّ اللّٰهَ يَفْعَلُ مَا يَشَاۗءُ ڍ 18
ڇا توهين نه ٿا ڏسو ته جيڪي ڪجهه آسمانن ۾ آهي ۽ جيڪي ڪجهه زمين ۾ آهي، پڻ سج-چنڊ-تارا- جَبل- وڻ- چوپايا، سڀ الله جي آڏو سربسجود آهن ۽ ڪيترائي انسان به! هائو- کوڙ ساترا انسان اهڙا به آهن جو مٿن عذاب جي ڳالهه ثابت ٿي چڪي ۽ جنهن کي الله ذلت ۾ وجهي ته ان کي ڪير به عزت ڏئي نه ٿو سگهي، هو جيڪو چاهيندو آهي سوڪندو آهي.
— عبدالمؤمن ميمڻھٰذٰنِ خَصْمٰنِ اخْتَصَمُوْا فِيْ رَبِّهِمْ ۡ فَالَّذِيْنَ كَفَرُوْا قُطِّعَتْ لَهُمْ ثِيَابٌ مِّنْ نَّارٍ ۭ يُصَبُّ مِنْ فَوْقِ رُءُوْسِهِمُ الْحَمِيْمُ ۚ19
هي ٻه مخالف (ٽولا) آهن جيڪي پالڻهار بابت هڪ ٻئي جي مخالف ڳالهيون ڪن ٿا. منجهانئن، جن ڪفر جي واٽ ورتي انهن جي لاءِ باهه جي پوشاڪ نصيبُ ڪئي وئي-سندن مٿن تي ٻڙڪندڙ پاڻي پلٽيو ويندو.
— عبدالمؤمن ميمڻيُصْهَرُ بِهٖ مَا فِيْ بُطُوْنِهِمْ وَالْجُلُوْدُ ۭ20
پاڻيءَ (جي تپش جي شدت) سان جيڪي ڪجهه سندن پيٽن ۾ آهي، سو سڙي ڳري ويندو، سندن جسم جي چمڙيءَ جوبه اهوئي حال ٿيندو.
— عبدالمؤمن ميمڻ